سؤال الـ٤٠٪

القاعدة

Sean Ellis طلّع القاعدة دي بعد ما درس حوالي ١٠٠ شركة. Superhuman استخدمتها بذكاء لدرجة إنها بقت أشهر مثال عليها — بدأوا عند ٢٢٪ وطلّعوها لـ٥٨٪.

الفكرة: بدل ما تسأل «عجبك المنتج؟» — دي إجابتها مجاملة — تسأل سؤال إجابته بتكشف الحقيقة.

الرسالة (كوبي/بيست)

سؤال سريع ولو سمحت — بيساعدني أطوّر المنتج:

>

لو مبقيتش قادر تشتري [اسم المنتج] تاني، هتحس بإيه؟

>

١) مش هتضايق

٢) هتضايق شوية

٣) هتضايق جداً

اقرا النتيجة

تلات شروط عشان النتيجة تبقى حقيقية

١. ابعته لآخر ٣٠ عميل اشتروا فعلاً — مش لناس مهتمة ومش لمتابعين. اللي دفع بس هو اللي إجابته بتبان.

٢. متسألش الناس اللي بتحبك. أصحابك وأهلك هيقولوا «هتضايق جداً» مجاملة، والرقم يطلع كداب.

٣. متديش الاختيارات أسماء. «١، ٢، ٣» بس. لو كتبت «ممتاز / كويس / وحش» بتوجّه الإجابة.

أهم جزء: اللي بعد الرقم

الرقم لوحده مش الفايدة. الفايدة في اللي بيقولوا «هتضايق جداً» — دول جمهورك الحقيقي.

اسألهم سؤال تاني:

«إيه أكتر حاجة بتستفيدها من [المنتج]؟»

الإجابات دي هي الكوبي بتاعك. اكتبها بكلامهم هم في الإعلان وفي صفحة المنتج — مش بكلامك انت.

وده اللي عملته Superhuman بالظبط: بدل ما تحاول ترضي كل الناس، ركّزت على اللي هيتضايقوا جداً وبنت المنتج ليهم — فالنسبة طلعت من ٢٢٪ لـ٥٨٪.

لو النسبة طلعت واطية

متزعلش — ده أنفع من إنك تصرف على إعلانات وانت مش عارف.

بص على إجابات اللي قالوا «هتضايق شوية». اسألهم: «إيه اللي كان يخلّيك تتضايق جداً؟» الإجابة دي خريطة التطوير بتاعتك.

مينا ديميان — minademyan.tech